Дәвамлы температура булганда, 1 десерт кашыгы (10 гр) укропны яисә аның орлыгын 200 мл суда төнәтеп, бүлмә температурасындагы суга кушып эчәргә.
300 гр арпаны кайнатып, суын эчсәләр, һәртөрле сырхауда температураны төшерер.

Чәйне дөрес пешергәндә (кайнар су белән чәйнекне чайкаткач, чәй белән 1 шакмак шикәр салырга һәм чылатырлык кына кайнар су агызып, 15-20 минут томалап төнәтергә, аннары гына кирәк кадәр су салырга) андагы шикәр чәйдә була торган котехоломинны аерып чыгарыр. Ә ул организмны салкын тиюдән саклый һәм тамырларны сафландыра.

10 гр нарат бөресен эмаль савытка салып, 200 мл кайнар су агызырга һәм өстен ябып, сулы кастрюль эчендә 20-30 минут кайнатырга. Аннары сөзеп, ашаганнан соң 30-40 минуттан көненә 2-3 тапкыр 0, 5 стакан эчәргә.

Салкын тиеп, температура күтәрелгәндә, әле горчичниклар куярга ярамаганда, аяк табанына уылган торма, көрән кую авыруның хәлен җиңеләйтер.

PS. Алдан табиб белән киңәшегез.

Тулырак: http://shahrikazan.ru/news/kish-tabyish/saklap-kuegyz-temperaturany-tsher-ysullary