Тәрәзә төбендә кыяр үстерәбез

Орлыкны ике шарт буенча сайлаганда, гадәти сортлар, гибридларны да өйдә үстерә аласыз. Беренчедән, кыяр ясалма серкәләнүгә мохтаҗ булмаска тиеш. Бу хакта кабында күрсәтелә, мондый сортлар “партенокарпические” дип тамгалана. Икенче шарт: үсемлекнең яктылык җитмәүгә чыдам булуы. Хәтта җәен, иң якты тәрәзә төбендә дә кыярга яктылык җитмәячәк. Кышын фитолампа да бу ихтыяҗны тулысынча канәгатьләндерә алмый. Ә күләгәгә чыдам кыяр сортлары бар. Гадәттә, болар — гибридлар.
Өйдә үстерү өчен кулай сортлар: “Колибри”, “Махаон”, “Подарок”, “Балаган”, “Городской огурчик”, “Берендей”, “Кураж”, “Апрельский”, “Зозуля” һәм башкалар.