2025 елда республикада барлыгы 5335 гектар мәйданда урман торгызу һәм утырту эшләре башкарылган. Аларның зур өлеше «Экологик иминлек» илкүләм проекты кысаларында гамәлгә ашырылган.
Аерым алганда:
-
2800 гектарда урманнар торгызылган (шуларның 1600 гектары – илкүләм проект буенча),
-
2002 гектарда саклагыч урманнар утыртылган,
-
533 гектарда компенсацион урман торгызу һәм үрчетү эшләре башкарылган.
Татарстан Урман хуҗалыгы министры Равил Кузюров сүзләренчә, илкүләм проектның барлык күрсәткечләренә дә ирешелгән. Моннан тыш, ел дәвамында урман булдыручы төп токымнарның 12 тоннадан артык орлыгы әзерләнгән.
Шулай ук урман питомниклары актив эшләгән.
Ел нәтиҗәләре буенча 2,5 гектар мәйдандагы урман культуралары урман фонды җирләренә рәсми рәвештә күчерелгән. Моннан тыш, 2025 елда республикада урман янгыннары теркәлмәгән, бу ведомстволар һәм муниципаль органнарның бердәм эше нәтиҗәсе.
Фото ясалма фәһемнән алынды
Нет комментариев