Арча балалары ясаган брелоклар махсус хәрби операциядәгеләргә барып ирешкән

Арча районында балалар бакчасына йөрүче балалар да махсус хәрби операциядәгеләргә ярдәм итә. Алар тәрбияче апалары белән рәсемнәр ясый, быел җәй әти-әниләре белән туган җир җылысын сыендырган йөрәкләр, декабрьдә шулай ук әти-әниләре, тәрбиячеләре белән бергә брелоклар ясап җибәрде. Шушы көннәрдә махсус хәрби операциядәге райондашларыбыздан рәхмәтләр тулы фотолар килеп җитте: алар бүләк бреклоклар белән казармаларны, окопларны бизәп куйган. Балаларның, әти-әниләрнең, тәрбиячеләрнең хезмәте югалып калмый, аларның тизрәк исән-имин кайтуларын теләп эшләнгән бүләкләр егетләргә бәйрәм рухы, өмет чаткысы бирә, туган як сәламнәрен ирештерә”, — ди “Яшь гвардияче” оешмасы җитәкчесе Алия Фәйзрахманова.