Арча уңганнары бүләкләнде

Озак еллар нәтиҗәле хезмәте,  җирле үзидарә органнары эшчәнлегенең нәтиҗәлелеген арттыруга керткән өлеше өчен Яңасала авыл җирлеге башкарма комитеты баш хисапчысы Рәхмиева Фәния Әбүзәр кызына “Татарстан Республикасында җирле үзидарәне үстерүдә күрсәткән хезмәтләре өчен“ медале тапшырылды.

Озак еллар нәтиҗәле хезмәте, җирле үзидарәне үстерүгә керткән өлеше өчен һәм 55 яшь тулу уңаеннан Яңасала авыл җирлеге башлыгы Сафин Айрат Илгиз улы, Яңа Кырлай авыл җирлеге башлыгы Сәфәров Газинур Гаяз улы  Татарстан Республикасы Дәүләт Советы Рәисенең Рәхмәт хатлары белән бүләкләнде. 

Намуслы нәтиҗәле хезмәтләре өчен һәм һөнәри бәйрәм – Җирле үзидарә көне уңаеннан мәдәният идарәсе баш белгече Бәхтиярова Гөлүсә Сәлимҗан кызы, Арча район Советы кадрлар секторы мөдире Салихова Эльвина Илфат кызы муниципаль район башлыгының Мактау грамоталарына лаек булды.

Намуслы нәтиҗәле хезмәтләре өчен һәм һөнәри бәйрәм – Җирле үзидарә көне уңаеннан  Арча район Советы аппаратының  оештыру-гомуми бүлеге баш белгече Әхмәтханова Ләйсән Шамил кызы, Арча шәһәре башкарма комитетының әйдәп баручы белгече Билалова Гөлназ Хөрмәтулла кызы муниципаль район башлыгының Рәхмәт хатларына ия булды.