Арчада бер яклы, кыска гына урамга да асфальт җәйделәр

Ежков урамы таралып, бүленеп-бүленеп урнашкан. Бер башы «Тепло-Сервис» ширкәте турысыннан тауга таба төшкәндә. Нәкъ яр кырыенда урнашкан бер яклы, берничә йортлы урам. Быел шул урымга да асфальт салдылар. Анда яшәүчеләр сөенеп туя алмый. «Район башлыгы Алмаз Хисаметдиновка, район башкарма комитеты җитәкчесе Ренат Гатиятовка, урынбасары Илшат Галимуллинга, шәһәр мэры Рөстәм Касыймовка, юл төзүчеләргә  Ежков урамы халкы исеменнән рәхмәт белдерәм. Тау кырые булгач, аскы яктагы йортка су ага иде. Бу мәсьәләне дә хәл иттеләр, боҗра куйдылар», – дип яза безгә Миләүшә исемле ханым..