Арчага «Кар десанты» төшкән

Арчада «Кар десанты» төшүе турында социаль челтәрдән күреп белдем. Кемнәр икән бу, дип кызыксынып карасам, үзебезнең арчалар – «Беренчеләр хәрәкәте».

Бу көннәрдә кар күп яуды. Озын каникуллар вакытында бер физзарядка инде ул, дип шаяртсак та, көри башлагач, хәйран үзен сиздерә. Аеруча өлкән яшьтәгеләргә бик авыр.

Менә шуларга ярдәм кулы сузарга булган да инде «Беренчеләр хәрәкәте». Алтынчы мәктәпнең Беренчеләр советы ветеран Тәнзилә Сабированың йорт янын кардан чистартып биргән. Тәнзилә ханым  рәхмәт йөзеннән балаларны тәм-том белән сыйлаган.

Шулай ук Беренчеләр махсус хәрби операция зонасында хезмәт итүченең әнисе Сәлимә Ахуновага да ярдәмгә килгән. Йорт яны территориясендәге карны көрәгәннәр.  

Беренчеләр башкаларны да Изгелек хәрәкәтенә кушылырга чакыра.

Фотолар алынды: https://vk.com/wall-220296246_2175