Арчаның унынчы балалар бакчасы татар теленә өйрәтү тәрбиячесе Рәмзия Гарифуллина республика бәйгесендә уңышка иреште
Ул «Тукай йолдызлыгы» әдәби әсәрләр конкурсында тәрбиячеләр өчен булган «Тукай тәрбиясе» номинациясендә өченче урын алды.
Татарстан Республикасы Милли китапханәсендә «Тукай йолдызлыгы» әдәби әсәрләр конкурсында җиңүчеләрне бүләкләү тантанасы узды. Анда безнең районнан Арчаның унынчы балалар бакчасы татар теленә өйрәтү тәрбиячесе Рәмзия Гарифуллина да катншаты һәм тәрбиячеләр өчен булган "Тукай тәрбиясе" номинациясендә өченче урын алды. Бу хакта район матбугат хезмәте хәбәр итә.
Җиңүчеләрне татар телен һәм туган телләрен саклау, үстерү мәсьәләләре буенча ТР Рәисе Марат Әхмәтов, Бөтендөнья татар конгрессы Башкарма комитеты җитәкчесе Данис Шакиров, ТР Язучылар берлеге рәисе Ркаил Зәйдулла һәм филология докторы һәм КФУ профессоры Дания Заһидуллина бүләкләде.
Татар телендә әдәби әсәрләр конкурсы, Габдулла Тукайның 140 еллыгына багышлап, 8 номинациядә үткәрелде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев