Арча яңалыклары
Баскетболны кемнәр яхшы уйный?
Арча беренчелегенә мәктәпләрдә укучы кызлар арасында баскетбол буенча ярышлар булып узды. Арча мәктәпләреннән барысы 50 кыз катнашты. Җанатарлар бирелеп, шау-гөр килеп карады.
Күптән инде баскетбол ярышларын болай күпләп караганнары юк иде. 1нче урынны Арчаның 7нче мәктәбе командасы алды. 2нче – Арчаның 5нче гимназиясе, 3нче урынны Арчаның 1нче һәм 6нчы мәктәпләре укучыларыннан торган команда алды. Арчаның 2нче һәм 3нче мәктәпләреннән торган команда – 4нче. Барлык катнашучылар да истәлекле медальләр белән бүләкләнде.
Иң яхшы баскетбол уйнаучыларга да бүләкләр бирелде. Алар Арчаның 7нче мәктәбеннән Азалия һәм Зайлә Вәлиевалар, Арчаның 5нче гимназиясеннән – Зәлинә Галиәхмәтова һәм Назгөл Салихова, Арчаның 1нче мәктәбеннән – Ясминә Ибраһимова, Арчаның 6нчы мәктәбеннән – Рәфинә Шәрәфиева һәм Дилә Арсланова, Арчаның 2нче мәктәбеннән – Иллария Пашина, Арчаның 3нче мәктәбеннән – Аделина Зиннәтуллина
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев