Арча яңалыклары
Донор көннәре уздырыла
Хәзерге вакытта заманча медицинада инновацион технологияләр, яңа буын препаратлары кулланыла, ләкин элеккечә үк сәламәтлек саклауның торышы аның оешмаларында кан запасларының булуы белән билгеләнә.
16, 17, 18 ноябрьдә Арча муниципаль районында Татарстан Республикасы Сәламәтлек саклау министрлыгының кан үзәге белгечләре Арча үзәк хастаханәсе белән бергә Донор көннәре үткәрә.
16 ноябрьдә Шушмабаш авылы табиблык амбулаториясендә, 17 ноябрьдә Яңа Кенәр авылы участок хастаханәсендә, 18 ноябрьдә Арча шәһәренең Советлар урамы, 17 йорт адресы буенча урнашкан район Мәдәният йортында битараф булмаган райондашларны көтеп калабыз.
Иртәнге сәгать 9дан көндезге 12гә кадәр кабул итәчәкләр. Ашамыйча, кичтән сөтле һәм майлы ризыклар кулланмыйча килергә.
Кан бирү – кеше гомерен саклап калу.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев