Китапханәдә тагын бер очрашу узды

Арча үзәк китапханәсендә язучы, журналист Фирдәүсә Бикмәтова белән “Онытылмас үткән еллар кала, хәтер кала, җырлар кала, уйлар кала!” дигән әдәби-музыкаль кичә узды.

Очрашуга китап укучылар, әдәбият, сәнгать дөньясын үз иткән тамашачылар җыелган иде. Аның төп максаты - Фирдәүсә Бикмәтова иҗаты белән якыннан танышу, ана кызыксыну уяту. Чарада китапханәчеләр аның әсәрләрен укыды. Фирдәүсә ханым матур  җырлавы белән  дә сокландырды. Әдәби кичәдә “Каурый каләм” әдәби-иҗат берләшмәсе әгъзалары исеменнән үзе дә берничә китап авторы Марсель Шәрәпов чыгыш ясады. Алар Фирдәүсә ханым белән бергә җырладылар да.