Компьютер уеннары яраткан үсмерне паралич суккан
Кытай Халык республикасының Гуанси-Чжуан автономияле районында тәүлегенә 22 сәгать компьютер уеннар артында вакыт үткәргән үсмер ишемия инсульты кичергән.
Аның сул кулын паралич суккан, хәзер ул хәрәкәтләнми. Бу хакта AsiaOne хәбәр итә. COVID-19 пандемиясе башлангач, мәктәпләр карантинга ябыла, укучыларны дистанцион белем алу форматына күчерәләр. Шул вакыттан алып 15 яшьлек үсмер Сяобинь бүлмәсеннән чыкмый башлый, ишеген бикли һәм тәрәзәләрендәге штораларны ябып куя. Үсмернең ата-анасы Сяобиньны дәресләр хәзерли дип уйлаган. Чынында исә егет компьютер уеннарыннан аерыла алмаган. Соңрак социаль челтәрләрдәге язышуларыннан аның тәүлегенә нибары 2 сәгать йоклавы ачыкланган. “Бикле ишек артында аның нишләвен күз алдыбызга да китермәдек”, — диләр үсмернең ата-анасы. Инсульт исә тиешенчә тукланмау һәм вакытында ял итмәү нәтиҗәсендә суккан.
https://matbugat.ru/news/?id=29796
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев