Арча яңалыклары
Мәскәү өлкәсеннән җиңеп кайткан спортчыларны район башлыгы кабул итте (ВИДЕО)
Мәскәү өлкәсе Зелиноград шәһәрендә арчалар Россия чемпионнары булдылар.
Арчаның 6нчы мәктәбе командасы регби спорт төре буенча Россия чемпионнары булдылар. Ярыштан кайткач аларны район башлыгы Илшат Нуриев кабул итте. Котлады һәм уңышлар теләде. Рәхмәт хатлары, бүләкләр тапшырды.
Тренерлары - Фәнил Һидиятуллин. "Әле бер генә ел шөгыльләнә башлаганга, - дип сөйләде ул. - Бу спорт төре туп тотып йөгерүдән тора. Билдә билбау. Ике якта билбауга тасма беркетелгән. Йөгереп килеп шул тасманы тартасың. Уенның нечкәлекләре күп. Иң мөһиме - җитезлек! Командада ике кыз. Районда көндәшләребез Яңа Кенәр мәктәбе командасы. Безнең белән ярышка аларның ике малае барды". Очрашуга кайбер әти-әниләр дә килгән иде. Яңа Кенәр мәктәбе тренеры Рәмис Хәйруллин да бар иде. Уңышлары белән котлыйбыз!
Тулырак итеп район газетасында язарбыз.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев