Арча яңалыклары
Район иҗтимагый советы Яңа Чуриледә һәм Югары Курсада булды
Район иҗтимагый советы әгьзалары (җитәкчесе Надия Мифтахетдинова) Яңа Чуриле психоневрология интернат йортында һәм Югары Курса авылында мәшһүр мәгьрифәтче Г.Курсави музеенда булдылар.
Психоневрология интернат йортында яшәүчеләр бүгенге көндә ничек яши, аларга нинди уңайлыклар тудырылган, нинди проблемалар бар? Иҗтимагый совет командасы урынга барып, әнә шул мәсьәләләрне өйрәнде. Директор Гүзәл Нигьмәтҗанова интернат тормышы белән таныштырды, уңышлар һәм хәл ителәсе мәсьәләләр турында сөйләде. Тулырак итеп район газетасында язарбыз.
Яңа Чүриледән соң Югары Курсага юл тоттык. Анда безне "Курса МТСы" ширкәте җитәкчесе Рәүф Гыйләҗетдинов каршы алды. Музей белән Казан арты тарих-этнография музее хезмәткәре Гөлүсә Хаҗиева. таныштырды. Элеккеге тарихи бинаны ничек матур итеп эшләп куйганнар, нинди матур музей барлыкка килгән дип сокландык. Тарихи җәүһәрләрне сакларга кирәк шул.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев