Рөстәм Миңнеханов капиталь ремонттан соң Арча мәчете белән танышты

Татарстан Рәисе Рөстәм Миңнеханов ныклап төзекләндерелгәннән соң Арчаның үзәк мәчетендә булды. Аны Татарстан мөфтие Камил Сәмигуллин һәм Арча районы башлыгы Алмаз Хисаметдинов озатып йөрде.

Рөстәм Миңнеханов яңартылган мәчетне карап чыкты һәм башкарылган эшләргә әйбәт бәя бирде. Хәзерге вакытта ике катлы бинада ир-атлар һәм хатын-кызлар өчен ике аерым керү юллары бар, уңайлы кече һәм зур гыйбадәт заллары, техник бүлмәләр булдырылган.

Мәчет 1993 елда ачылган. Комплекс составына шулай ук 2022 елда ачылган Тукай исемендәге рухи-агарту үзәге һәм 2025 елда эшли башлаган изге Коръәнне ятлау үзәге керә.

    Фотолар ТР Рәисе сайтыннан