Арча яңалыклары
Синоптиклар эш көннәренең яңгырлы буласын фаразлый. Ял көннәре ничек булыр?
Татарстанның Гидрометеорология һәм әйләнә-тирә мохитне күзәтү идарәсе якын көннәргә атналык һава торышы фаразын әзерләде. Аннан күренгәнчә, эш көннәрендә республика территориясендә яңгырлар явачак, әмма алар ял көннәренә туктый.
Сишәмбегә төнлә, 21 июньдә, Татарстанда бераз яңгыр явыр. Көндез явым-төшем ихтималы зур түгел. Төнге температура – +8°С..+13°С, көндезен +19°С..+24°С көтелә.
Чәршәмбе, пәнҗешәмбе һәм җомга көннәрендә метеорологлар янә яшенле кыска вакытлы яңгырлар буласын фаразлый. Бу көннәрдә республика өстендә атмосфера фронтлары узачак.
21 июньдә көндез термометрлар +21..+26 градус, 22 һәм 23 июньдә +23°.. +28° градус җылылык күрсәтер.
Фаразлар буенча, шимбә һәм якшәмбе явым-төшем көтелми. Шимбә көндезге температура +19°.. +24° градус булачак. Якшәмбе көнгә +21..+26 градус җылылык фаразлана.
Чыганак: Татар-информ
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев