Эчке эшләр министрлыгында балигъ булмаганнарга соңга калып йөрүне тыю турында искәрттеләр

ТР буенча Эчке эшләр министрлыгында хәбәр итүләренчә, Лениногорскида патрульләр инде берничә хокук бозучы яшүсмерне тоткан. Әйтик, бер очракта полиция ике исерек кызны күргән. Соңрак аларның берсе балигъ булмаган икәне ачыкланды. Аларда җәмәгать урыннарында исерек хәлдә пәйда булу өчен беркетмәләр төзелде. Моннан тыш, олы дус кызга баланы алкоголь куллануга җәлеп иткән өчен беркетмә төзегәннәр.

Икенче очракта полиция 22:00 дән соң олылардан башка йөргән ике яшүсмерне тоткарлаган. Бу юлы балаларның сәламәтлегенә һәм үсешенә зыянны кисәтмәү өчен беркетмәләрне ата-аналарга төзеделәр.

Чыганак: Татар-информ