Июньдә пенсияләр иртәрәк күчәчәк

Пенсия түләүләренең бер өлешен июньдә Россия көнен һәм ял көннәрен бәйрәм итү аркасында гадәттәгедән иртәрәк күчерәчәкләр. Бу хакта  «РИА Новости»га  «Бердәм Россия» партиясеннән Дәүләт Думасы депутаты Алексей Говырин хәбәр итте.

Аның сүзләренчә, 2026 елда Россия көне җомга, 12 июньгә туры килә, шуңа күрә россиялеләрне озын ял көннәре көтә-12 июньнән 14 июньгә кадәр. Шуңа бәйле рәвештә пенсияләр һәм социаль түләүләр күчерү даталары иртәрәк вакытка күчереләчәк.

Депутат аңлатканча, закон буенча, әгәр түләү көне ял яки бәйрәм көненә туры килә икән, акчаны алдан күчерәләр – алар алдында соңгы эш көнендә.

Алексей Говырин билгеләп үткәнчә, түләүләрне күчерү өчен социаль фондка мөрәҗәгать итәргә кирәкми – үзгәрешләр автомат рәвештә булачак.

Пенсия гадәттә 6 яки 7 июньдә килә торган гражданнар акчаны 5 июньдә алачак. Түләүләре 12, 13 һәм 14 июньгә туры килүчеләр өчен акчаны 11 июньгә күчерәчәкләр. 

Тулырак: Татар-информ