Леонов: Татарстан 2030 елга барлык районнарның боз сарайларына ихтыяҗын каплаячак
Якындагы дүрт елда Татарстанның барлык муниципаль берәмлекләрендә үз боз ареналары барлыкка киләчәк.
Төзелеш программасы инде рәсми рәвештә расланган, дип хәбәр итте Татарстанның спорт министры Владимир Леонов ведомствоның йомгаклау коллегиясе барышында.
План нигезендә, дүрт ел эчендә Татарстанда 12 яңа боз аренасы төзеләчәк. Министр билгеләп үткәнчә, 2026 елда Яңа Чишмә, Тукай һәм Аксубай районнарында заманча спорт объектлары ачылачак.
ТР Рәисе Рөстәм Миңнеханов катнашында Балтач районында арена эшли башлады. Гомуми мәйданы 3,4 мең квадрат метр булган "Балтач арена" төзелеше узган елның февралендә башланды.
Бинада 56 х 26 метр зурлыктагы ясалма боз салынган ябык шугалак урнашкан. Спортчыларга һәм килүчеләргә уңайлы булсын өчен заманча чишенү бүлмәләре, душ кабиналары, тимераякларны прокатка бирү пункты һәм медицина кабинеты җиһазландырылган. Боз шугалагының норматив үткәрү сәләте сменага 80 кешене тәшкил итә.
Чыганак: https://dzen.ru/a/aXhxvRD7VhuwVz5G?utm_source=yxnews&utm_medium=desktop
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев