Россиядә телдән имтиханнар файдасына диплом эшләреннән баш тартырга мөмкиннәр

Ясалма интеллект үсеше, телдән имтихан файдасына язма диплом эшләреннән баш тартуны да кертеп, югары уку йортларында йомгаклау аттестациясе формаларын яңадан карауга китерергә мөмкин. Бу хакта РФ Фән һәм югары белем министры Валерий Фальков белдерде, дип хәбәр итә ТАСС.

Аның сүзләренчә, телдән формат студентларның реаль белемнәрен һәм компетенцияләрен объектив бәяләргә мөмкинлек бирәчәк. Тема белем бирү процессында ЯИ куллануга һәм чыгарылыш эшләрен бәяләүгә багышланган түгәрәк өстәлдә каралды.

Элегрәк министр билгеләп үткәнчә, якындагы елларда югары уку йортларына ясалма интеллект кечкенәдән үк гадәти инструмент булган студентлар киләчәк. Бу, аның сүзләренчә, белем бирүгә һәм белемнәрне бәяләүгә якын килүне даими рәвештә яңадан карап чыгуны таләп итәчәк.

Чыганак: Татар-информ