Хатыннан китеп, Ләйсәнгә өйләнү ахмаклык булды...

автор, 10 март 2022 - 20:22

2635

Сезгә барысы да чит ярлары турында яза. Мин дә үзем белән булган хәлне язарга булдым. Миңа – 55, аңа – 30 яшь. Икебез дә гаиләле. Безнең мөнәсәбәтләр күптән түгел генә башланды, алга таба ничек дәвам итәр – анысын белмим. Дөресен генә әйткәндә, болай булыр дип башыма да килмәде...("Шәһри Казан").

Хатыннан китеп, Ләйсәнгә өйләнү ахмаклык булды...

Ләйсән белән бергә эшлибез. Беренче күрешүдән үк бер-беребезгә тартылдык. Баскыч төбендә тәүге тапкыр үбешкәнне мәңге онытасым юк. Шуннан соң хисләр дөрләп кабынды. Эштәгеләр дә сизде. Безнең очрашулар арендага алынган фатирда узды.

Хатыннан китеп, Ләйсәнгә өйләнү – ахмаклык. Мин аңа нәрсә бирә алам? Аның барысы да бар. Хәер, иң мөһиме юк шул. Мәхәббәт, наз, игътибар. Ул шундый чибәр, яшь. Аны күрсәм, акылдан шашам. Инде нишләргә? Ләйсән белән араларны өзә алмыйм, аннан башка яши алмам кебек. Мөнәсәбәтләрне дәвам итүнең дә мәгънәсен күрмим.