Бүген Арча стадионында якташыбыз, эшмәкәр Фәнил Гәрәфиевның якты истәлегенә багышланган традицион чаңгы ярышлары үтте. Быел бу ярышлар районда 9нчы тапкыр үткәрелә. Анда 187 чаңгычы катнашты. Арча районы мәктәпләре укучыларыннан тыш, ярышларда педагогика көллияте, “Татавтодор”. Теләче, Балтач районнарыннан да килгәннәр иде. Катнашучылар арасында хөрмәтле ветераннарыбызның да булуы аеруча сөендерә.
