Арск-Информ
  • Рус Тат
  • Срогы чыккан машина йөртү таныклыклары җәй уртасына кадәр гамәлдә санала

    Дәүләт автоинспекциясе таныклыкларның яңаларын бирү, искеләрен алыштыру эшен дәвам итә. Тик моның өчен коронавирус инфекциясе таралуга каршы чаралар күреп, дәүләт хезмәт күрсәтү сайтында алдан язылырга кирәк.

    Реклама

    Казан, 23нче апрель, “Татар-информ”, Наталия Никифорова).
    Срогы чыккан машина йөртү таныклыклары җәй уртасына кадәр гамәлдә кала. Бу турыда “Татар-информ” матбугат агентлыгына Республика дәүләт автоинспекциясендә сөйләделәр.
    Россия Президенты үзенең указы белән, срогы чыккан яки чыгачак мөһим документларның гамәлдә булу срогын озайтты.
    Шулай итеп, 1нче февральдән алып, быелның 15нче июльгә кадәр файдалану срогы чыгучы машина йөртү таныклыклары, өстәмә мөрәҗәгать итеп тормыйча, төрле белешмәләр һәм документлар җыймыйча гына, автомат рәвештә, гамәлдә калалар. Алар махсус хокукый норматив актлар кабул итеп, тиешле алыштыру тәртибе билгеләнгәнчегә кадәр гамәлдә саналалар.
    Бу чара кешеләр инстанцияләр буенча йөрмәсеннәр һәм коронавирус инфекциясе таралуны булдырмау өчен күрелде.
    Шулай да, дәүләт автоинспекциясе машина йөртү таныклыкларын алыштыруны һәм транспорт чараларын теркәүне дәвам итә. Тик моның өчен, коронавирус инфекциясеннән саклану чараларын күреп, дәүләт хезмәт күрсәтү сайтында алдан язылырга кирәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: