2022 елга алда торган бурычларга багышланган киңәшмә булды

Район авыл хуҗалыгы һәм азык-төлек идарәсе җитәкчесе Ренат Гатиятов 9 айлык нәтиҗәләргә анализ ясады. Аннан соң һәр хуҗалык җитәкчесе 2022 елга планнары белән таныштырды.

Район башлыгы Илшат Нуриев терлекчелек буенча начар эшләгән хуҗалык җитәкчеләренә эшне тамырдан үзгәртергә киңәш итте.

– Көндәлек акча кертә торган сөтчелек тармагына мондый  караш  аңлашылмый, – диде ул.

Район башлыгы октябрь аенда алдынгы урыннарны яулаган, техниканы саклауга кую буенча конкурста җиңгән хуҗалыкларга бүләкләр тапшырды.

Терлекчелек буенча күчмә кубокка “Ашыт” ширкәте лаек булды. Техника сакланышы буенча “Заря” ширкәте җиңүче.