"Андый мәктәп Татарстанда гына түгел, Россиядә дә юк". Ә бездә бар (+видео)

Бүген "Арча хәбәрләре" газетасы редакциясе баш мөхәррире Исрафил Насыйбуллин Ашытбаш мәктәбендә Белем бәйрәмендә булды. "Андый мәктәп Татарстанда гына түгел, Россиядә юк. Уникаль мәктәп",  диде ул тәэсирләре белән уртаклашып.

Ашытбаш мәктәбе алтынны "коеп" кына тора икән. Бу очракта алтын "укучылар" турында сүз бара. Узган тел мәктәпне 6 укучы тәмамлаган булган. Алтысы да алтын медальгә. Быел биш укучы аттестат алган, бишесе дә алтын медаль белән киткән.

Шушы укучыларның барысы да югары уку йортларына укырга кергән. Бюджетка.

Быел унберенче сыйныфта өч укучы, өчесе дә алтын медальгә бара.

Беренче сыйныфка алты, филиаллар белән сигез бала укырга кергән. Булачак алтын медаль ияләре, дип юрыйк. Беренче кыңгырау тантанасында аларны Чи-чи белән Мыр-мыр  котлаган. Исрафил Насыйбуллин үзләренә бүләкләр тапшырган. 

Ашытбаш мәктәбе турында киләсе саннарның берсендә тулырак язып чыгарбыз.