Арча яңалыклары
Арча янгын сүндерүчеләренә Рөстәм Миңнеханов яңа машина ачкычы тапшырды
Татарстан Президенты районыбыз янгын сүндерү бүлегенә яңа машина бүләк итте. Бу турыда безгә Арча янгын сүндерү бүлеге җитәкчесе Искәндәр Юзаев җиткерде.
"Янгын сүндерү бүлеге өчен генә түгел, районыбыз өчен дә зур вакыйга бу. Моңарчы эшләгән янгын сүндерү машиналарыбыз шактый искерә башлаган иде инде. Мондый зур бүләк өчен җитәкчеләргә зур рәхмәтебезне җиткерәбез. Исән-имин эшләргә язсын "- дип, шатлыгы белән уртаклашты янгын сүндерү бүлеге җитәкчесе.
20 гыйнвар көнне Татарстан Президенты Рөстәм Миңнеханов Гадәттән тыш хәлләр министрлыгы (МЧС) хезмәткәрләрен бүләкләде. Арчада урнашкан 107нче янгын сүндерү бүлегенә президент тарафыннан яңа Урал машинасы ачкычы тапшырылды.
Бүләкләнүчеләр арасында Арча районы янгын сүндерү бүлеге дә булу - районыбыз өчен зур вакыйга. Район халкының куркынычсызлыгы сагында торучыларыбыз бу бүләккә лаек. Яңа Урал машинасы озак еллар хезмәт итсен һәм аңа эш аз булсын, дигән теләктә калабыз.
Фотолар ТАТАРСТАН РЕСПУБЛИКАСЫ ГРАЖДАННАР ОБОРОНАСЫ ЭШЛӘРЕ ҺӘМ ГАДӘТТӘН ТЫШ ХӘЛЛӘР МИНИСТРЛЫГЫ сайтыннан алынды
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев