Арчада илкүләм проектлар уңышлы тормышка ашырыла

Илкүләм проектлар кысаларында районда 2020 елда зур күләмдә эшләр башкарылды.
Куркынычсыз һәм сыйфатлы автомобиль юллары:
Арча–Сеҗе–Иске Масра юлы реконструкцияләнде;
Ашытбаш–Шушмабаш–Карадуган юлы төзекләндерелде.
Мәдәният:
Яңа Кырлайда модель китапханә ачылды.
Торак һәм шәһәр мохите:
Арчада Совет мәйданы һәм Зур урамны төзекләндерүнең өченче чираты эшләнде.
Демография:
Яңа Чүриле психоневрология интернатының торак корпусы төзелде;
Арчада 7нче санлы “Балачак” балалар бакчасын төзелде.
Мәгариф:
Арчаның 6нчы мәктәбендә “Үсеш ноктасы” цифрлы һәм гуманитар юнәлештәге белем бирү үзәге ачылды;
Арчаның 2нче мәктәбе спортзалы ныклап төзекләндерелде;
Арча педагогика көллиятендә Ворлдскиллс таләпләренә туры килерлек башлангыч сыйныфларда укыту, мәктәпкәчә тәрбия, мәктәптә музыка укыту, физик тәрбия, спорт һәм фитнес буенча остаханәләр ачылды.
Экология:
Урманнарны торгызу буенча эш башкарылды, 2 махсус техника алынды.
Кече һәм урта эшмәкәрлек һәм шәхси эшмәкәрлек башлангычына ярдәм:
4 крестьян-фермер хуҗалыгына 11 млн сумлык грант бирелде.

Утырышта шулай ук район Советы карарларына үзгәрешләр кертелде. Алар белән сез районның рәсми сайтында таныша аласыз.