Арчада кара билбауның 3нче, 2нче һәм 1нче Дан дәрәҗәсен кемнәр алды?

Күптән түгел Арчадан тренер Газинур Борханов җитәкчелегендә өч егет  Алмаз Закиров, Алим Локманов һәм Ильяс Гыйльметдинов  Санк-Петербургта хапкидо буенча Дөнья Кубогы ярышында катнаштылар. Алмаз 3нче урынны алды, ә Алим белән Ильяс  - 5нче урынны. 

- Соңыннан аттестация семинары булды, - дип хәбәр итте безгә таэквон-до һәм хапкидо буенча тренер Газинур Борханов. - Семинарны хапкидо мәктәбе "Хен Му Кван"ны оештыручы Аркадий Хегай үткәрде. 

Менә шушы семинарда тренер Газинур Борхановка кара поясның 3нче Дан дәрәҗәсен бирәләр. Алмаз Закиров 2нче Дан дәрәҗәсен ала. Ә аның әтисе, Арча районының таэквон-до федерациясе рәисе Илфат Закировка 1нче Дан дәрәҗәсе бирелә.

- 3нче Дан дәрәҗәсендәге кара пояслы мастерлар Корея хапкидо федерациясендә күп түгел, - ди Газинур Борханов.

Котлыйбыз! Уңышлар!