Арчаның "Көнбатыш" мәчете исемен алыштырды

Үзенең вәгазендә «Белем алуның фазыйләте һәм әхлакны яхшырту өстендә эшләү" турында сөйләде. Намаздан соң мәхәллә җыелышы узды, анда имам-хатыйб-Равил хәзрәт Ибраһимов, үзен имам-хатыйб вазыйфасыннан читләштерүне сорады. Аның нәтиҗәле хезмәте өчен, имам-мөхтәсиб рәхмәт хаты тапшырды. Соңыннан «Көнбатыш» мәчетенең яңа имам-хатыйбын сайладылар. Ул, Арча районында туып-үскән Әсхәт хәзрәт Абдуллин булды.  Көн тәртибендә, шулай ук, «Көнбатыш» мәчетенең исемен үзгәртү мәсьәләсе торды, бер тавыштан «Көнбатыш» мәчетен, безнең татар дин әһеле булган «Габденнасыйр Курсави» исеме белән атарга карар кылдылар. Бу чара Идел буе Болгар Ислам динен кабул итүгә 1100 ел тулуга багышланган иде.