Атсыз кала язган

Редакциядә мошенниклар турында материал әзерләгәндә бүлмәгә берәү килеп керде.

Алдакчылар турында сөйлешеп киттек.

-- Берәү атыннан колак кага язды, -- дип сөйләде ул. --  Ат сатам, дип белдерү биргән. Атыгызны алабыз, акчаның бер өлешен күчерә торыйк, алайса башка кешегә сатып җибәрәсез сез аны, акча күчергәч ышанычлырак була, дигән сатып алучы. Сөйләшү телефон аша бара. Ышанган бит ат сатучы. Акча күчерү өчен кирәкле мәгълуматларны әйткән. Һәм 40 мең сум акчасыннан колак каккан. Ат сатучы яшь кеше, акыллы кеше, ә, барыбер дә ышанган. Атыңны күрмәгән килеш ничек сатып алырга риза булсын инде ул, дип сүгәм тегене. Тавышы буенча тәртипле кешегә охшаган иде, ышандым шул, диде. Бу алдауларны төрмәдән дә эшләп яталар бит.