Бәрәңгенең килосын берәүләр 37 сумга сатып торалар иде...

Ярминкәдәге бәяләр белән кызыксынып шалтыратучылар булды.  Ярминкәдә бәяләр ничек булды, каз-үрдәк бар идеме, миләш-балан алып килгән иделәрме, карп балыгы саттылармы, ашлык, бәрәңгенең бәяләре ничек? Бәрәңгенең килосын берәүләр 37 сумга сатып торалар иде. Колхоз бәрәңгесе түгел, үзебезнеке, шәхси хуҗалыкныкы, диделәр. 30 сумнан да бар иде бәрәңге. Анысы үзебезчә әйтсәк, колхозныкы. Ашлыктан бодай сатып торалар иде, килосы 17 сумнан.

Каз, үрдәк, бройлерлар сатуда бар иде. Берәү әлләни зур булмаган  бройлер алды. Бәясе  600 сумнан артып китте. Үрдәкнең бер килосы 400 сум, казның килосы 500 сум, диделәр. Сатучысы бер кечкенә генә үрдәк түшкәсен үлчәп караган иде, бер мең сумга якын булды. 

Миләш-баланны сатуда күрмәдем. Ә менә карп балыгы күп иде. 180-200 сумнан. Анысын атна уртасында да алып була.