Дәрәҗәле бүләккә ия булган райондашларыбызны КОТЛЫЙБЫЗ!

Озак еллар намуслы хезмәте, Татарстан Республикасының агросәнәгать комплексын үстерүгә керткән өлеше өчен “Курса МТСы” ширкәте директоры Гыйлаҗетдинов Рәүф Гыймалетдин улына Россия Федерациясе Авыл хуҗалыгы министрлыгының Рәхмәте белдерелде.

Озак еллар намуслы хезмәте, Татарстан Республикасының агросәнәгать комплексын үстерүгә керткән өлеше өчен һәм 60 яшьлек юбилее уңаеннан “Курса МТСы” ширкәте директоры Гыйлаҗетдинов Рәүф Гыймалетдин улы Татарстан Республикасы Авыл хуҗалыгы һәм азык-төлек министрлыгының Рәхмәт хаты  белән бүләкләнде.

Авыл хуҗалыгы өлкәсендә озак еллар намуслы, нәтиҗәле хезмәте өчен һәм 60 яшь тулу уңаеннан “Курса МТСы” ширкәте директоры Гыйлаҗетдинов Рәүф Гыймалетдин улы Арча муниципаль район Советының Мактау грамотасы белән бүләкләнде.

Татарстан Республикасында физик культураны һәм спортны үстерү буенча озак еллар һәм  нәтиҗәле эшләве өчен “Төзү материаллары комбинаты” директоры, Арча районының волейбол федерациясе рәисе Муллагалиев Рафаэль Әдһәм улы Татарстан Республикасының физик культура һәм спорт отличнигы билгесе белән бүләкләнде.

Татарстан Республикасында яшьләр сәясәтен үстерүгә керткән өлешләре өчен Арча муниципаль районының яшьләр эшләре, спорт һәм туризм бүлеге җитәкчесе Габделгазизов Ильяс Нурсил улына, бүлекнең баш белгече  Хәйретдинов Фәрдүс Фарух улына Татарстан Республикасы Яшьләр эшләре буенча министрлыкның Рәхмәте белдерелде.