Арск-Информ
  • Рус Тат
  • Идел буе федераль округында Бөек Җиңүгә багышланган киң күләмле акция үтә

    Идел буе федераль округында җыр марафоны старт алды, анда катнашучылар, эстафетаны бер-берсенә тапшырып, танылган җырны туган телләрендә башкарачак

    Бөтен Идел буе федераль округында узучы "Безнең Җиңү көне" җыр марафонына Татарстан да кушыла. Ул Җиңүнең 75 еллыгына багышлап уздырыла.

    Җыр марафоны төрле милләт вәкилләрен бер халык коллективына берләштерә, алар "Җиңү көне" җырын үз туган телләрендә башкарып эстафетаны бер-берсенә тапшыра бара.

    Бу проект үзизоляциягә кдәр үк башланып киткән иде. Һәр төбәк үз видеоязмасын булдырырга тиеш. Ә соңыннан уртак видеоклип ясалып Интернетка куелачак.

    Җырның да быел юбилей елы икән. Аның иҗат ителүенә 45 ел тула. Бу җырны сайлап алу очраклы түгел. Ул Бөек Җиңүгә багышланган иң мәшһүр җырларның берсе.

    Реклама

    Проектка старт Мордовиядә бирелде. Саранск шәһәре һәм республика районнарының иң күренекле артистлары "Җиңү көне" җырын Мордовиянең өч дәүләт телендә - рус, мокшы һәм эрзә телләрендә башкарды.

    Алар эстафетаны Идел буе федераль округының башка төбәкләренә тапшырды.

    Видеороликны катнашучыларның территориясендә чыгып килүче төбәк телевизион каналларыннан күрсәтәчәкләр. Аны шулай ук җирле радиостанцияләр дә яңгыратачак.  Моннан тыш видеоязманы #песнипобедыПФО #нашденьпобеды хештегы буеча социаль челтәрләрдә дә карап булачак.

    Бу масштаблы акция Россия Президентының Идел буе федераль округындагы Вәкаләтле вәкиле аппараты инициативасы белән үткәрелә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: