Җир йоклый тыныч

– Ноябрьдә явым-төшем 81,6 мм булды, – ди Россия авыл хуҗалыгы үзәгенең район бүлеге баш агрономы Әхмәт Хәкимҗанов. – Ә норма – 42 мм. Бер метр туфрак катламында 101 мм дым бар. 2020 елда 145 мм иде. Узган ел да дым аз иде, быел аннан да ким. Димәк, явым-төшемнәр бик кирәк.

Ноябрьдә һаваның уртача температурасы – 1,3 градус булган. Соңгы 30 елда бу иң югары температура.

Уҗымнар 25 октябрьдә генә үсүдән туктаган. Температураның җылы торганга уҗымнар туклыклы матдәләрне (шикәр) күбрәк тотуга китергән. Бу инде кышка чыдамлыклары кимегән дигән сүз.

1 декабрьдә бүлек белгечләре “Кырлай” һәм “Казанка” ширкәтләре басуларындагы уҗымнарның торышын карадылар. Әлегә алар әйбәт хәлдә.