Арск-Информ
  • Рус Тат
  • Коронавирус: Арчада яңа 5 очрак

    Татарстанда коронавирусның 85 яңа очрагы теркәлгән

    Татарстанда соңгы тәүлектә Covid-19 коронавирус инфекциясе йоктыруның 85 яңа очрагы ачыкланган.

    ТР Сәламәтлек саклау министрлыгының матбугат хезмәте хәбәр иткәнчә, пациентларның бөтенесе дә чирне башка авырулар белән аралашу нәтиҗәсендә эләктергән.

    «26 кеше хастаханәгә озатылган, 59 кеше өендә дәвалана», - диелә ведомство хәбәрендә.

    Инфекция йоктыручыларның күбесе 30-50 (22 кеше) һәм 60-70 яшь (22 кеше) аралыгында ачыкланган. Дүртесе – балигъ булмаган бала.

    Казанда — 32, Нурлат районында — 10, Чаллыда — 7, Арча районында — 5, Алексеевск, Апас, Лаеш һәм Тукай районнарында – өчәр, Аксубай, Балтач, Бөгелмә, Кукмара һәм Түбән Кама районнарында – икешәр, Әлмәт, Буа, Алабуга, Лениногорск, Яңа Чишмә, Питрәч, Тәтеш, Чистай һәм Ютазы районнарында берәр очрак ачыкланган.

    Реклама

    Эпидемия башланганнан алып республикада коронавирус инфекциясенең 16 217 очрагы теркәлгән, 12 720 кеше (шуларның 97се – узган тәүлектә) терелгән.

    Республикада 13 229 кеше «Спутник V» вакцинасын кадаткан, шуларның 2 604е икенче дозаны алган. 33 242 комплект вакцина дозасының 39,8 проценты файдаланылган.

    Татарстанда вакцинациягә язылу өчен бердәм номер – 122.

     https://tatar-inform.tatar/news/health/02-02-2021/tatarstanda-koronavirusny-85-ya-a-ochragy-terk-lg-n-5803343

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: