Мортаза Рәхимовта коронвирус табылганмы?

Башкортстанның беренче Президенты Мортаза Рәхимов "ProUfu"да коронавирус инфекциясе белән авыруы турындагы имеш-мимешләрне шәрехләде. Аның сүзләренә караганда, ул, чыннан да, икенче көн дәваханәдә, әмма анда COVID теркәлмәгән.

Аның күзләрен дәвалыйлар. ОРВИ билгеләре булу сәбәпле, коронавируска анализ алынган, моны процедура тәртибе таләп итә. Нәтиҗә тискәре булып чыккан - вирус юк. Компьютер томографиясе күрсәткәнчә, пневмония билгеләре бар, ләкин инде узган.

- Температура юк, үземне яхшы хис итәм, - дигән телефоннан Мортаза Гобәйдулла улы.

Ул икенче көн инде шалтыратулар кабул итүен, күпләрен аның хәлләрен белешүен сөйләгән. Башкортстан Башлыгы Радий Хәбиров та шалтыраткан. Шулай ук аңа күчтәнәч – кымыз, җиләк-җимешләр җибәргән.

- Виноградны мин, әлбәттә, бик ашамыйм, күбрәк бәрәңге яратам, ә менә кымызны рәхәтләнеп эчәм. Радий Фәритовичка кайгыртуы өчен рәхмәт. Һәм барлык шалтыратучыларга һәм борчылучыларга да рәхмәтлемен. Барыгызга да сәламәтлек телим! – дигән ул.

Мортаза Гобәйдулла улына без дә тизрәк савып чыгуын телибез.

Фото: https://proufu.ru/

https://kiziltan.rbsmi.ru/articles/budni/Mortaza-R-himovta-koronvirus-tabilganmi-310633/