erid:LgsiSnffX
Арск-Информ

Арча районы

18+
Рус Тат
2024 - Гаилә елы
Арча яңалыклары

“Ноябрь җылырак, декабрь салкынрак булачак”

Синоптик кышның нинди булачагы буенча фаразларын җиткерде.

КФУның Экология һәм табигатьтән файдалану институты метеорология, климатология һәм атмосфера экологиясе кафедрасы доценты Тимур Әүхәдиев фаразларынча, ноябрь аенда һава торышы гадәттәгедән җылырак була.

“Россия Гидрометеорология үзәгенең озак вакытка фаразлары буенча, ноябрьдә уртача һава торышы аномаль җылы ( 1°С), ә декабрьдә нормадан түбәнрәк, гыйнвар, февраль, март айларында норма тирәсендә булачак”,- ди синоптик галим.

Агымдагы ел нәтиҗәләре буенча, һава торышы бик капма-каршы булды, дип бәяләде Әүхәдиев.

“Февраль экстремаль салкын иде. Уртача айлык температура минус 15,2°С кадәр төште. Норма буенча минус 10°С булырга тиеш иде. Икенче салкын ай булып сентябрь истә калды. Норма буенча плюс 12°С булырга тиеш булса да, уртача температура 9,8°С ка гына күтәрелде. Аномаль җылы айлар апрельдән августка кадәр сузылды. Май, июнь, август айларында нормадан тайпылыш плюс 4°С тәшкил итте”, - дип мәгълүмат белән уртаклашты доцент.

Реклама
erid:2Vtzqwy9AuJ erid:2Vtzqwy9AuJ

Быел явым-төшем дә нормадан шактый калышкан. Бигрәк тә яз, җәй айларында аларның җитмәве сизелде.

Августта, мисалга, бары 9 миллиметр гына явым-төшем булган. Норма исә 59 миллиметр тәшкил итә. Июньдә норма буенча 58 миллиметр исәпләнсә дә, җиргә төшкән яңгырлар 21 миллиметрлы гына булган.

Быелның 9 аенда явым-төшем дефициты 100 миллиметрдан да артып киткән. 

http://shahrikazan.ru/news/yazmalar/noyabr-ylyrak-dekabr-salkynrak-bulachak

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X