Арча яңалыклары
Район башлыгы: "Могҗизага ышанмагыз , бездә ашламасыз уңыш алып булмый".
Язгы чәчүгә эш планнрын кабул иткәндә район башлыгы Илшат Нуриев кайбер хуҗалыкларда ашламаларның җитешмәвенә игътибар итте.
- Арча Буа түгел, монда тәртә тыксаң арба үсми. Могҗизага ышанмагыз , бездә ашламасыз уңыш алып булмый, - диде район башлыгы Илшат Нуриев.
Ә рәсми саннарга күз салсаң, дөрестән дә могҗиза көтүчеләр бар, күрәсең. 9 апрельгә район буенча уртача бер гектарга 55,4 кг (тәэсир итү матдәсендә) ашлама тупланган булса, "Ак Барс" та ул 31, "Төрнәле-Пошалымда" 33,7, "Тукай"да 34,1 килограмм гына.
Булганын да әрәм-шәрәм итәргә юл куймаска чакырды район җитәкчесе. Эремә ясау урыннары булдыру таләбенә һаман колак салмаучылар бар икән әле.
Хезмәт хакын тоткарлаучылар да очрый. Монысы инде бернинди кысаларга да сыймый . Вакытында түләп барсаң да таманга туры килә хәзер. Аларны да тәнкыйтьләп алды район башлыгы.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев