Сәламәтлек саклау министрлыгында салкында өшегән балаларның хәле турында сөйләделәр

(Казан, 14 гыйнвар, «Татар-информ», Эвелина Киселёва). Табиблар Алексеевск районыннан Республика балалар клиник хастаханәсенә китерелгән балаларның сәламәтлеге өчен көрәшүен дәвам итә. Бу хакта «Татар-информ» агентлыгына ТР Сәламәтлек саклау министрлыгының матбугат хезмәтендә хәбәр иттеләр.

«Бер яшьлек малайның хәле һаман да бик авыр, әмма тотрыклы», - дип искәрттеләр ведомствода.

Табиблар аның апасының да хәле тотрыклы булуын әйтә.

«Ике бала да тәүлек әйләнәсе медицина күзәтүендә», - дип искәрттеләр матбугат хезмәтендә.

Шунысын да искәртик: кичә Республика балалар клиник хастаханәсенә әниләре абзарда төн кунарга калдырган ике баланы китерделәр. Бу хакта тулырак материалны Sntat порталында укыгыз.

 https://tatar-inform.tatar/news/health/14-01-2021/s-lam-tlek-saklau-ministrlygynda-salkynda-sheg-n-balalarny-h-le-turynda-s-yl-del-r-5798962