Социаль хезмәткәрләргә өстәмә түләү

Тиешле документны Русия Хөкүмәте Премьер-министры Михаил Мишустин имзалады, ул коронавирус белән авыручылар, яки хәвеф төркемендәге кешеләр белән эшләүче социаль хезмәткәрләргә кагыла.

“Өстәмә түләүләр вакыты социаль учреждениеләр хезмәткәрләренә озайтылачак, чөнки алар коронавирус белән, яки хәвеф төркеменә караучы кешеләр белән эшли”, диелә документта. Бу хакта ТАСС хәбәр итә.

Түләүләр ноябрь уртасына кадәр озайтылачак. Исегезгә төшерәбез: коронавирус таралу фонында аеруча хәвефле зонада эшләгән медицина һәм социаль хезмәткәрләргә стимуллаштыручы түләүләрне карарга кирәк, дип, Русия Президенты Владимир Путин күрсәтмә биргән иде.

Октябрьдә Михаил Мишустин инфекция белән авыручылар белән эшләүче табибларга түләүгә 11,2 миллиард сумнан артык акча бүлеп бирү турында боерыкка кул куйды.
ФОТО: ТАСС.

https://kiziltan.rbsmi.ru/articles/zdorovie/Sotsial-hezm-tk-rl-rg--st-m-t-l-500764/