Арск-Информ
  • Рус Тат
  • Урта Пошалымнан 5 бала Үрнәктәге көллияткә бара

    Үзебездә шундый яхшы уку йорты булуга карамастан, хуҗалыклар кадрлар кытлыгы кичерә.

    Хәлне төзәтү юлларын җомга көнне район башлыгы җитәкчелегендә узган киңәшмәдә эзләделәр.

    - Кешеләр җитми,тегеннән-моннан алып кайтабыз дип зарланабыз. Үзебездә шундый яхшы уку йорты була торып, анда балаларны укырга җибәрү турында уйламыйбыз, - диде Илшат Габделфәртович хуҗалык җитәкчеләренә мөрәҗәгать итеп. - Без  андый балаларны стипендия түләп,укып бетергәч кире үзегезгә кайта торган итеп килешү төзеп  укытырга тәкъдим итәбез. Бу акчаның хәзер 90 процентын кире кайтару турында сүз бара. 

    Реклама

    Арча агросәнәгать көллияте җитәкчесе Зөлфәт Дәүләтбаев үз чыгышында уку йортында бирелүче белгечлекләр, шартлар турында бик тәфсилләп сөйләде. 

    - Район мәктәпләренең барысын да бер кат йөреп,безгә укырга килергә теләүчеләрне барлап чыктык. Мәсәлән, Урта Пошалым мәктәбенең 5 чыгарылыш укучысы безгә килергә теләк белдерде. Максатчан укыту буенча Рәүф Гыймадетдинович бик яхшы эшли. Бүген дә бу хуҗалык 3 стипендиатын укыта. Узган ел безнең уку йортын тәмамлаган комбайнчылары республика бәйгесендә дә җиңеп чыкты. Калганнарга да "Курса МТС" үрнәгенә кушылырга чакырам, - диде Зөлфәт Миннефәрович.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: