Арск-Информ
  • Рус Тат
  • Урта Пошалымнар нәрсәгә оста?

    Урта Пошалым мәктәбе осталыкларын белеп бетермәгәнбез икән...

    Район мәгариф хезмәткәрләре профсоюз оешмасының киңәшмәсе булып узды. 

    Киңәшмә матур бер күренеш белән башланып китте. Профсоюз оешмасы җитәкчесе Вакыйф Харисов мәгариф өлкәсендә эшләгән Илгиз Гайнуллинны искә алды. Аның хөрмәтенә бадминтон ярышы буенча күчмә кубок булдырганнарын әйтеп, сәхнәгә Илгиз Гайнуллинның хатыны Суфия ханымны дәшеп алды. Суфия ханым үз куллары белән күчмә кубокны башлангыч профсоюз оешмалары арасында үткәрелгән бадминтон ярышында җиңүчеләргә тапшырды. 

    Сәхнәгә ноябрьдә үткәрелгән ярышта бадминтонны оста уйнаган (җиңгән) Урта Пошалым мәктәбе башлангыч профсоюз оешмасы рәисе Гөлфия Фәттахова һәм мәктәп директоры Айнур Сафин күтәрелде. Ир-атлар арасында Айнур Сафин җиңеп чыкты һәм хатын--кызлар арасында аның урынбасары Гөлшат Әхмәдуллинага тиңнәр булмады. Күчмә кубокны Урта Пошалым командасы алды.

    Реклама

    Соңыннан Айнур Сафиннан бадминтонны ничек шулай оста уйнаулары турында кызыксындык.

    --Мин кечкенәдән бадминтон белән кызыксынам, -- дип сөйләде ул. -- Университетта укыганда да уйнадык. Инде менә хәзер  мәктәптә. Вакыт булган саен уйныйбыз. Профсоюз оешмасы бадминтон сеткасы алып бирде. 2017 елдан бирле районда беренчелекне биргән юк. Спортзалда балалар да бадминтон уйный. Безнең районда бу спорт төре күтәрелә башлады.

     

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: