Бүген Казанда кая барырга була?

13 гыйнварга кадәр «Казан» гаилә үзәге янындагы мәйданчыкта «КышДаКарФест» фестивале уза. Биредәге Яңа ел ярминкәсендә республика һөнәрчеләре, фермерлары үз продукциясен тәкъдим итә.

«Казан Кремле» музей-тыюлыгы да 10 гыйнварга кадәр театральләштерелгән тамашаларга, Кыш бабай һәм Кар кызы катнашындагы Яңа ел экскурсияләренә, уеннар, квестлар, мастер-класслар, иҗади дәресләргә чакыра. Кремль территориясендә урнашкан җиде музейның һәркайсы балалар һәм өлкәннәр өчен үзенчәлекле программа әзерләгән.  

Моннан тыш:

❖ «Крылья Советов» һәм Тинчурин исемендәге паркта «Кыш бабай һәм Кар кызы» дип аталучы бәйрәм программасын күрсәтәчәкләр;
❖ бәйрәм концертын исә «Чулпан» мәдәният үзәге каршындагы мәйданчык һәм Филармония скверында карап булачак;
❖ 17:00 сәгатьтә «Казан» гаилә үзәге янындагы мәйданчыкта бәйрәм чарасы узачак;
❖ бүген 18:00 сәгатьтә «Черек күл» паркындагышугалакта та бәйрәм кичәсе булыр дип көтелә.
Яңа елга багышланган чараларны Казан циркыһәм «Әкият» курчак театрына барып та карарга мөмкин. Тамашалар 9 гыйнварга кадәр дәвам итәчәк. Казанның яшь тамашачы театрларында, Качалов театры, Камал театры һәм Тинчуринтеатрында да балалар өчен махсус спектакльләр күрсәтеләчәк.