Арск-Информ
  • Рус Тат
  • Коронавирус вакытында түбән температура — иң авыр симптомнарның берсе

    Иммунолог түбән температура Covid-19ның иң авыр симптомнарының берсе икәнлеген әйтте

    (Казан, 2 ноябрь, «Татар-информ»). Коронавирус вакытында түбән температура — иң авыр симптомнарның берсе. Шуңа күрә инфекция йоктырган барлык кешеләргә тән температурасын көнгә өч тапкыр үлчәргә кирәк, дип киңәш итә табиб-иммунолог Владислав Жемчугов.

    «Бу бик авыр хәл. Үлемгә берничә көн кала шулай була дигән сүз. Температура 36 һәм аннан азрак булса, игътибарлы булыгыз — бу иң авыр авырулар», — дип искәртте белгеч «Звезда» телеканалы белән әңгәмә вакытында.

    Жемчугов түбән температура организмның токсиннарга каршы тора алмавын, шулай ук инфекциягә каршы иммун җавап булмавы турында хәбәр иткәнлеген әйтте.

    Реклама

    Аның сүзләренчә, температураны мониторинглау өчен иң яхшысы нәкъ менә терекөмешле термометр туры килә, ул контактсыз һәм электрон градусниклар белән чагыштырганда төгәлрәк күрсәтә.

    «Ким дигәндә бишәр минут дәвамында өч тапкыр үлчәнгән температура — бу клиник чаралар күрү өчен нигез. Әгәр кеше агарган икән, иреннәре күгәреп чыкса, әле кан басымы да түбән икән — бу бик борчулы симптом. Барысын да анализлар нигезендә карарга кирәк, бигрәк тә инфекция билгеләре булмаганда», — диде белгеч. 

      https://tatar-inform.tatar/news/health/02-11-2021/immunolog-t-b-n-temperatura-covid-19ny-i-avyr-simptomnaryny-berse-ik-nlegen-ytte-5842354

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: