Татарстанда беренче җил электр станциясе 2029 елга эшли башларга мөмкин. Буын районында гамәлгә ашырылучы проектның куәте 268,8 МВт тәшкил итәчәк.
Бу хакта Татарстан Республикасы сәнәгать һәм сәүдә министры урынбасары Марат Минибаев хәбәр итте. Аның сүзләренчә, Свияжск җил электр станциясе Россиянең территорияләрне планлаштыру схемасына һәм энергетиканы үстерү программасына кертелгән.
Республикада энергетика өлкәсендәге гамәлдәге куәтләрне яңарту буенча да эш дәвам итә. Минибаев билгеләп үткәнчә, станцияләрнең энергия нәтиҗәлелеген арттыру өчен эчке резервлар кими, шуңа күрә төп игътибар җиһазларны модернизацияләүгә юнәлтелә.
2030 елга Татарстанда 642 МВт яңа энергетика куәте булдыру планлаштырыла. Моннан тыш, энергетика компанияләре үз акчалары хисабына гамәлгә ашырачак башка проектлар да әзерләнә.
Хәзер Арча һәм Арча районы яңалыкларын безнең МАКС каналыннан да белә аласыз
Нет комментариев