Арчаның 6нчы мәктәбендә “Ел укытучысы” бәйгесенең муниципаль этабы җиңүчеләрен бүләкләделәр
“Ел укытучысы” бәйгесе ел саен оештырыла. Ул иҗади эшләүче укытучыларны ачык-лау, хезмәтләренең дәрәҗәсен күтәрүгә, укыту процессын оештыруда яңа технологияләр куллануны үстерүгә юнәлдерелгән. Ноябрьдән башлап барган бәйгедә районыбызның 56 укытучысы һөнәри осталыкларын сынады. Бәйге башта зоналарда үткәрелде. Һәр укытучының дәрес-ләрен карап чыкканнан соң район мәгариф идарәсе белгечләреннән торган жюри әгъзалары 17 финалистны – дүртесе “Педагогик дебют”, сигезе “Ел укытучысы – 2021” һәм бишесе “Иң яхшы татар теле һәм әдәбияты укытучысы” номинацияләре буенча сайлап алды.
