«Аятел-Көрси» укуның 9 фазыйләте

«Аятел-Көрси» – Коръәни Кәримнең олуг аяте. Ул үз эченә исме әгъзамны, ягъни Раббыбызның олуг исемен алган.

«Аятел-Көрси»не укучы иртәдән кичкә һәм кичтән иртәнге якка кадәр шайтаннарның зарарыннан имин булыр.

«Аятел-Көрси» Коръәни Кәримнең 1/4 өлешенә тиң.

«Аятел-Көрси»не һәр фарыз намаздан соң укучы киләсе фарыз намазга кадәр сакланган хәлдә булыр.

«Аятел-Көрси»не даими рәвештә һәр фарыз намаздан соң укучы кешене җәннәттән бары тик үлем генә аерып тора.

«Аятел-Көрси»не йортка кергәндә укысаң, шайтан аннан качар.

«Аятел-Көрси»не укучы да, аның балалары да, йорты да, байлыгы да, милке дә, хәтта күршеләренең йортлары да имин хәлдә булыр.

«Аятел-Көрси»не «Әл-Бәкара» сүрәсенең соңгы аяте белән укыган очракта догалар җавапсыз калмас. Берәү йоклар алдыннан ихластан

«Аятел-Көрси»не укыса, ул кеше иртәнге көнгә кадәр имин халәттә булыр. Аның иминлеге өчен 2 фәрештә билгеләп куелыр.

Һәрбарчагызга да бәрәкәтле, игелекле, имин көннәр, атналар теләп калам, кардәшләрем! дигән хәзрәт.

Чыганак: https://vatantat.ru/2024/10/153840/
© Ватаным Татарстан