Арча районы атлары Малмыжда җиңеп кайтты (ВИДЕО)

"Айзат Сәләхов" фермер хуҗалыгының ике аты Киров өлкәсе Малмыж районы Калинино авылында үткән сабантуенда ярышта катнаштылар. Ярышта барысы 38 ат катнашкан. Чиста токымлы айгырлар ярышында (2 км) А. Сәләхов аты Адмирал 1нче килә. Бияләр арасында шулай ук А.Сәләхов аты Каталия бил кушаматлы ат финишка беренче килә. Финалда Адмирал шулай ук беренчелекне бирми. Ә Каталия бил өченче нәтиҗәне күрсәтә.  Җайдаклары - Сергей Изосимов һәм Зөлфәт Рамазанов. Котлыйбыз! Бүләккә Губернатор призы ияр бирәләр. Бер 60 мең сум бардыр ул диләр. Сабантуенда губернатор Александр Соколов катнаша. Шулай ук Татарстан Республикасы Рәисе Рөстәм Миңнеханов та кунакка килә.