Чәкчәк акциясенә 15 мәктәп кушылды

“Район мәгариф учреждениеләре айдан айга 1,5 миллион сумлык гуманитар ярдәм туплап җибәрә. Чәкчәк әзерләүне Арчага якынрак урнашкан унбиш мәктәпкә куштык. Йомырка, он, бал, май бирделәр. Аларны да бүлдек. Һәр мәктәп 300 граммнан 15 контейнер чәкчәк әзерләде. Моннан тыш балалар бакчаларында тәрбияләнүчеләр әти-әниләре белән берлектә Яңа елга 2400дән артык бүләк ясады. 6000 Яңа ел открыткалары әзерләнде”, – дип хәбәр итте район мәгариф идарәсе методисты Алия Фәйзрахманова.