Бензин кыйммәтләнде

Барыннан да элек, АИ-98 маркалы бензинның (1,36 процентка) бәясе артты, хәзер аның литры 67,82 сум (моңа кадәр 66,91 сум иде) тора.

АИ-92 маркалы бензин – 0,36 процентка (литры 49,33 сумнан 49,51 сумга кадәр), АИ-95 бензины 0,33 процентка (литры 53,17 сумнан 53,35 сумга кадәр) кыйммәтләнде.

Дизель ягулыгы исә нибары 0,09 процентка артты, хәзер аның литры 59,80 сум (моңа кадәр 59,85 сум иде) тора.

1 марттан Россиядә бензинны экспортлау янә тыелды, ул узган елның 17 ноябреннән гамәлдән чыгарылган иде. Чикләүләр 31 августка кадәр үз көчендә калачак. РФ вице-премьеры Александр Новак ачыклык керткәнчә, әлеге чара нефть продуктларына ихтыяҗны (ул якын арада барлыкка килергә мөмкин) тигезләргә тиеш.

Искәртеп узабыз, Татарстанда март аенда инфляция бер елга күчереп исәпләгәндә 7,28 процентка кадәр акрынайды.

Тулырак: https://tatar-inform.tatar/news/tatarstanda-ai-98-markaly-benzin-sizelerlek-kyimmatlande-5886785